මගෙ සොයුරිය...

පා ඔසවන දා පටන්ම
ළඟ දැවටුනු නුඹේ සුවඳ
පුංචි හිතට තේරෙන දින
සිතේ ඇඳුනු නොමැකෙන රුව
මගෙ දිවියේ හැම මොහොතෙම
ළඟම දුටුව නුඹේ මුහුණ
ජීවිතයේ හැමදේටම
මගෙ හිත දුටු ආදර්ශය
මගේ හිතට බෝම දැනුනු
නුඹේ මුවේ ඔවදන් හඬ
දැන් ඈතයි අක්කන්ඩිය
හරි පාලුයි මුලු ගෙදරම..

නුඹෙ මුලු ලොව ගොඩනගන්න
හිත දිරියෙන් අක්කන්ඩිය
හැමදාමත් හරි සතුටින්
හිනාවෙන්න මගෙ සොයුරිය...

හිනා පොද....

කඳුලු බිඳු අග රැඳුනු
හිනාවක රස දන්න
මගේ හිත මට දුන්නු
අමිල වූ හිනා පොද

සිතුම් වැල් අග එතුනු
මට උරුම වී උන්න
නිහඬ පැතුමක රැඳුනු
මා පැතූ ජීවිතය....